لا قابل عذر ولا قافل باب
بسكت واخلي كل شيء لظروفه
وان كان لي خل معا ركب الاحباب
شفته يعانق دمع عينه كفوفه
وان مرني ركب بلا صوت وكتاب
ما الحقت نفسي للمقفى حسوفه
دنيا تشيب وصادق الشعر ما شاب
ياخذ من ثقال الليالي حروفه
حبيبتي قولي لقلب معك غاب
هذا مكانه كان وده يشوفه
وان كان ودعني بلا صوت واسباب
ارجوه لا يبكي لساعة حتوفه
لا يبكي الا طيفه اللي بالاهداب
وحلم تلاشي منه حتى طيوفه
دمع الوفا وان غرق صدور وثياب
الدمع في بعض المواقف مروفه