headphone video share close external-link google facebook instagram left-arrow menu mouse right-arrow search twitter
الموقع الرسمي لسمو الأمير الشاعر
سعود بن عبدالله من محمد آل سعود © 2016
إدارة وتصميم كَلِم

أضماك

أضماك لا نام المسا و أوقض العين

و قام الخفوق يدوّرك بالمحاني

مالك زمان و كن لك غبت عامين

استغفر الله و أنت مالك ثواني

الناس وش في الناس لا غبت مقفين

و كن الفرح لا غبت لأجلك نساني

يا كلهم وش يجمع الوصل و البين

كله كلام و يختلف بالمعاني

خذني هواك و ليتي ادري على وين

لك هالدروب و لك صدور المواني

اصبح معك و القاك بالعين غالين

و الا بدونك كل هالعمر فاني

ان قلت احبك وش بقى للمحبين

و انا خذيت قلوبهم في كياني

اضحك معي ساعة حبايب و قلبين

إنسى الزمان و قلّي انسى زماني

والله مادري ويش الايام مخفين

ولا انت أجمل من على البال جاني

أضماك كيف أضماك و القاك بالعين

لك ألف طيف وتجتمع بالمحاني