عليكم تشرق شموس المحبة ياهل البحرين
دروبي يمكم حب جذوره زرع الاجدادي
سلام من زمان الشح لين الخير بالدارين
سلام عطره التاريخ و الريحان و الكادي
أنا من جيتكم ربعي سكنت بكل دار و عين
سكنت قلوب من حبوا كثير الخير لبلادي
ألا ليت القمر يهدي و نهدي شيخنا بدرين
الا يا الشيخ عيسى لك سلام بالفرح نادي
و فهد وجه البياض اللي أبعجز لا كتبه سطرين
يحير به الورق و الحبر و عذري شوفته زادي
يطير من الفجر صبح و اذان و هلهلة قارين
و تشرق شمس ما تغرب بذكر الخير تزدادي
الا يا الحبر يا حظك تلثم خدها من وين
جنوب و شرق شام و غرب مالك بالوله حادي
وحنا نجتمع جيرة نسب مع مرجلة مع دين
ترانا نجتمع بالحق علم يقهر الغادي
دعاء أجدادنا بالأمس نشوفه هالرخاء ذاللحين
ترى شكر النعم واجب حديث قاله الهادي
سريت و حدثتني نجد تقول ان كانكم ناوين
تمرون المنامة حب فأنا منزالها فوادي
تراها أربع مية عام ومهيب شوي بالغاليين
و انا هذا الوفا طبعي ثراي يعلم احفادي
سلاطين الشفق حنّا تعبنا بالمراجل لين
تربعنا بهامتها و ركزنا بها اوتادي
أنا هذي هي دياري سؤال و جاوبوني زين
صحاري نوخت صدر السحايب فعلها عادي
أبهدي الحب لاحبابي هلي فبلادي البحرين
ورودٍ فالصدور جذورها من عهد الأجدادي