السحاب وسكة الفرقى تشابه فالرحيل

وكل صيف قد نسى كف وحبيب بلا وداع

والله اني من كثر ما أركض وراك بلا دليل

ضعت في ديرة غيابك مثل ما هالحلم ضاع

قم تعال وشوف لك قلب نسى كلمة قليل

ولا كثيره صار يكثر به عليك وصرت راع

لك تعلم ما يجيب الا الصعب والمستحيل

لاغدت اول هدايا الحب لك قلب يراع

ما هما من سلسبيلك يالعتب شافي عليل

وصاحبك بالبعد ناوي واول الأسفار باع

لا تشيل من التعب هالحيل وتحاول تشيل

وتشتري لشموسك الشباك ما باقي شعاع

ولا تجيب من الرضا لو غصن ما باقي خليل

وكل خطوة ما لقت للحب ياهالدرب قاع

لو صحيح ان الكرم هو طيب فعيون البخيل

ما تعـلم للعـذر يا صـاح قـدر المستطـاع