جمعت لك كل الحكي كل الحكي و السالفة

جمعت لك كل الذي ينقال و اللي ما يقال

السالفة انك حروف بالصدر مترادفه

وان جيت ارتبها تناثر بالحقيقة و الخيال

ما نيب احبك بالحكي و لاهوب دمع ذارفه

انا سوالف مرتك من هالجنوب و هالشمال

الله يا هذي الحروف ما وقفت لك هادفه

مثل النجم لا من هوى باحضان و صدور الجبال

يا انت و الاحلام وقت يا ليت يوم اصادفه

اشتقت له ما مرني قله و لو مره تعال

بكتبك بيت من شعر و اقول له كيف آصفه

ويقول ليل سرمدي او شمس ما تعرف زوال

العين و القلب فهواك يا صاحبي متناصفه

مثل السما تعطي حقوق النور و حقوق الليال

مشاعري يا موعدي والله منك خايفه

مثل الذي يرجي من البارحه و لو لمحة ظلال

احدثك بامر الغلا و لا قلت شي تخالفه

طال العناد اللي ابد ما فرّح دروب الوصال

وشلون بخفي هالغلا و انت الغلا لك عارفه

و اقول بجمع هالشتات و تقول تضحك ذا محال

المشكله تعرف غلاك عشق بصدري والفه

و كلي يا كلي فالهوى هيمان بك يا ابن الحلال

اترك جروح بالحشا و انشد جروح طارفه

بجاوبك عني و انا بسالك لو مره سؤال

وينك بعيني دمعة في وسط عيني واقفه

رد الوصل لا لا تصير العين لك جرف هيال

كن السما برد نسى موعد لقا في سالفه

بعطيك في ليل الشتا هالقلب و لا شوق شال