حبيبة القلب شوفي العشق وش سوّى
فيني و انا اللي رخصت السمع و الطاعه
صوت الحزن في معاليق الصدر دوّى
يالله دخيلك اذا شاري الغلا باعه
غصن التجافي على جذع الأمل لوّى
و بالعين دمع و تعبها تجماعه
الدمع كنه على ليل الظما خوّى
و الحزن تل الفرح بيديه و اذراعه
و انا عليل بجرح الحب و مكوّى
و الحظ ما أعطى قليل الحظ لو ساعه
مالي من الشرق غير النور لا ضوّى
و مالي من الغرب غير موادع اشعاعه
في صدة الوقت شرع العاشق اطوّى
ينكف و كنه أبد ما عاش مرباعه