هل السحاب اللي بلا برق ورعود
اللي سماه العين وأرضه لحانا
من مسجد الديره تواصل إلى العود
نبكي ولكن ما نفعنا بكانا
لو هو بدمع وفدوة ارواح بيعود
والله ما ننكف وقبره ورانا
لا فالبكا عيب ولا الحزن منقود
تعازم الدمع العزيز وحكانا
صارت وجيه الناس من هولها سود
واظلم بوقت الظهر كل المكانا
لاهنت يا راس يقود العلا قود
عساه من دنيا الفنا للجنانا
شيخ زمان الناس طارد ومطرود
يوم الليالي للرجال امتحانا
رقا سنام المجد فعل ومجهود
يشهد على ما قلت بنت الحصانا
لاجا نهار فيه عج وبارود
يرخي لعجلات اللحوق العنانا
أقطع من الفولاذ والسيف مجرود
ينادي الخايف مكانك حمانا