ماجور يا مالك سنام المعالي
أبو العرب والمسلمين وذرى البيت
عسى دروبك بيض كل الليالي
العافية تلبس وطن لا تعافيت
روح الوطن يحفظك رب الجلالي
كل تمنا لك مثل ما تمنيت
يا شيخنا اللي ما تهاب الثقالي
مولاي يا مولى هل المجد والصيت
شيخ شيوخ الناس عندك موالي
ما فيه صعب عن طريقه توانيت
يا رافع شعبه على كل عالي
حتى تغنوا بك وفيهم تغنيت
من شانهم ما قلت صعب وغالي
أرخصت ما تملك لهم حب واوفيت
كل الشعوب من المشاكل تصالي
وحنا لنا ياطيب الفعل سويت
عن كل شمس في زمنا ظلالي
واغدقتنا بالخير والجود وارهيت
وشفنا الشعوب الأوله والتوالي
شفنا الأسير ودامي الجرح والميت
وشفنا بلدنا جنة وانت والي
يا سيد الجنة عن الدار ما اغفيت
يا معطي البيتين وقت ومالي
الله يحفظك جزاها بتثبيت
تحمي حماها فالخطر ما تبالي
عن كل واهج كنة ما استكنيت
تشيلها صعبات والشعب سالي
ما غير رب البيت عنده تلجيت
سور العرب حلال عقد الحبالي
ما قلت هذا شان غيري وصديت
لا كبرت القالة وكثر السؤالي
على عظايمها ظهرت وتجليت
كل العرب شعبك يمر وحالي
ما فيه يوم عن وهجها تذريت
من راس ابو تركي وجد وخالي
خذيت كل المجد وش عاد خليت
على الولا نرخص نفوس غوالي
آل سعود أهل الوفا والتثابيت
والشعب كله جندي ما يبالي
حنا وهم روح ولا فيه تشتيت
قصيدتي تعجز تحصر الخصالي
ما اوفيك حقك لو مدحت وتماديت
حبري وحرفي في القلم راس مالي
ودعاي لك بالعافية يوم صليت
ماجور يا مالك سنام المعالي
أبو العرب والمسلمين وذرى البيت