نحمدك يالله دينك ضافيٍ ثوبه علينا
شاربينٍ من غلاه وناهلينٍ من كتابه
ما على كف السحاب المدلهم إلا يدينا
سيفنا قد خضّع الأيام وامسى في جرابه
السؤال اللي سأله الوقت سافر كل مينا
لين وقف في شواطي الدار واختار الإجابه
وين يلقى شعب يكسب بالرضى دنياً ودينا
كود من ينصر كتاب الله والدنيا تهابه
مسلمين إنا فـ قول الحق والله ما علينا
ما انحنى للحق هامه يوم حنا في جنابه
ينتهينا العز دايم لين يرجع يبتدينا
كننا صوت الاذان المنتهي باللي بدا به