عابر الطيف مريت الحنايا حزين
وخفت من دمعتينك يا حبيبي عليك
بين عين السهر مريت عينٍ وعين
وصار يختال حسنك بين هذي و ذيك
يا شروق السوالف قولي اللي تبين
طال صوت السكوت وحار هالقلب فيك
رافق الحب مره بين كذب ويقين
وشف من اللي يبيع بعمره ويشتريك
جمرة الشوق تاخذ هالمحبه لوين
وجمرة الشوق مدري كيف تحرق يديك
لك عبير البراد ولك ورود اليدين
كلها بنتظارك من سنه تحتريك
لا تخلي حديث الخوف يحني جبين
ليت تنسى عيون الناس مرة أجيك
غصنك اتعب هبوبي ليت غصنك يلين
وعل وصل المحبه ما يجي يشتكيك
عابر الطيف يا ليت المشاعر تبين
ودي تشوف قدرك في خفوق يبيك