عبدك يا ربي ضعيف و يطلب التوبه
و دمعه سجد لك قبل ما تسجد انفاسه
وقف به رضاك وقت و حسب ذنوبه
و صد و خجل من ذنوبه و انحنى راسه
و سافر بحزنه بعيد و تاهت دروبه
و نسى العمر و الزمن حتى نسى ناسه
و ضاقت وسيعتك فيه و خاف مكتوبه
انه يقابلك شايل وزره و باسه
و قام و توضا و كان الوقت يا دوبه
بين الشفق و الشفق ما وقض نعاسه
وصحى الفجر للصلاه و كان محبوبه
مصحفك بعد الصلاه يريح احساسه
يالله عبدك قليله اكبر عيوبه
ياللي كثيرك كثير و يصعب قياسه
و العمر فيه الكبد و ابليس عذروبه
و الذنب مثل الحبر و الوقت كراسه
عبدك يا ربي ضعيف و يطلب التوبه
و دمعه سجد لك قبل ما تسجد انفاس