الله أكبر وين عشق الحبايب
اللي من أول ينعش الروح بحكاه
يا وين قلب بأجمل الحب ذايب
يحبني و اهواه و أشكي لمشكاه
وين الربيع اللي يسوقه سحايب
و ينبت به من العشب نبت و يزهاه
أتوب لا والله مانيب تايب
في حبك اللي زادني هجر و أهواه
أنشد طيوفك يا ورى الخل غايب
هذا حبيبي كيف ابنسى و ابسلاه
يزيدني هجرٍ و ازوده طلايب
و يجرح الخفاق و اقول يفداه
قد قال يضحك للملاقي سبايب
و قلت السبايب و الهجر كيف ابقواه
يهواك وصل لين ماصير شايب
قلب تولع بك و عن غيرك اعماه
يا هالامل لا تردني يوم خايب
لا قلت له هالقلب يكفيه ما جاه