عين المسافر و السهر صاروا أحباب
في غربتك ما لليالي مواعيد
الشمس ما تشرق و ذا الوصل كذاب
ذوقتني طعم الجفا و التناهيد
ترحل مواعيد الوصل لجلك أغراب
و تاقف جروحك في حناياي و تزيد
مادري وش اللي يجمعك داخل أهداب
لك بالنظر طفل وقف يلبس العيد
يا اولي ما لي بعد وصلك أقراب
و يا آخري مدري غدا قربك بعيد
ناظر غدينا فالهوى بعدك أغراب
حتى الحكي ماله على البال ترديد
سحب الظما ما بلّت عروق منصاب
و ما به جديد الا بها لجرح تجديد
العذر ما خلا على بالك أسباب
و البعد ما ضيق على شانك البيد
نام الحزن لجلك على كفة كتاب
اقراه تلقا ما كتب للطفل عيد