غنوا على الطار شيلوني بشيلاته
اليوم للصوت والطيران مشتاقي
الصدر ضايق عسى تفريج ضيقاته
لا شلتوا الصوت ما يبقى لهن باقي
راعى الهوى يفضحه صمته ووناته
مع الهواجيس له سجات وعناقي
والحب جارح وله ناسه وحزاته
مثل القفص ما يقدر عنوة الشاقي
والصيد سهل على حزات غراته
وايلا تذير تعذر عنه ملحاقي
مريت انا الحب في حزنه ولذاته
والعين صارت تميز كل براقي
كل الحلا مع حبيب الروح ومناته
خل ليا غاب عني خاطري ضاقي
هو ملهم الشعر تطربني مناجاته
نزف المشاعر قصيد عطر اوراقي