غيبتك ماهيب تشبه كل غيبه
غاب عن عيني كثير و لا ذكرته
مرّ .. هالاحساس يا مفارق حبيبه
قلت ابقوى الصبر لكن ما قدرته
كل ما مر الهوى طيفك يجيبه
و لجل عينك كل ما جابك شكرته
في غيابك هالمشاعر لك قريبه
في غيابك طيفك الغالي سهرته
لو عرفت الشوق ما صارت غريبه
ان حلمي كل ما طال انتظرته
خذت قلبي في يدينك وش تبيبه
اوهو اللي راح راضي ما جبرته
يوم غبت و كل شيٍ بان عيبه
وصلك اللي غاب عني ما عذرته
يا هلا بك و الكلام اشلون اجيبه
بس يكفي انك بعيني نظرته