قال النوى قطع الوصل بين الأحباب

لا طال صار بسيرة الحب خله

قلت العفو قلب من الحب منصاب

ما ينكر احبابه على البعد لله

الحب يا سيد المزايين غلاب

لك في خيالي هاجس ما يمله

اضم طيفك ضم من بين الاهداب

و اقوله سلم عليه بمحله

خل خذاني ما تدرا و لا هاب

سلمت له روحي و انا راضي له

جيشه عيون و خد و رموشه حراب

سيف الهوى من رمش عينه يسله

لا يحسب اني برخصه بعد ما غاب

طال المدى ولا قصر وافي له

العاشق اللي تخلفه بعض الاسباب

قل له برى من كلمة الحب قل له