قام يتكسر ورد ارماحه بصدره

واصبح عدوه سنينٍ كانت تروفه

يا نجم ياللي يشاف الليل من حدره

الليل ما خان لكن تعبت كتوفه

لا يقال حمله ثقل ولاكسر ظهره

ولا يقال وجهه تجعد من كثر خوفه

لا تلوم هذا الزمن ما لزمن عشره

حتى ولو صافحك كم يوم بكفوفه

ماكل شهر يمر يوافقك بدره

البدر وقت الكسوف وشلون بتشوفه

شف من تحبه وعطه النور والشهره

وقم من مكانك قبل لا يطول ووقوفه

لا يغرك البحر ما فالبحر ذا قطره

ترويك من هالعطش لو كان من جوفه

يا كثرهم والكراسي كلها عشره

لا يقومونك مدامك ناوي نكوفه

واللي حفظ بالعمر لو ساعة قدره

بيان فعله وتحكي الناس معروفه

يا اللي تكسر ورد ارماحه بصدره

ولا فيه عين تناظر فيه وتشوفه