كف الحكي واسدل ستار السوالف

ما للغدر في حاجر العذر قيمه

ولا تنده المقفي الا صار عايف

ما يرجعه لا صار عايف قديمه

وقد قلت لك بالدمع ويش انت شايف

ترى ليالي البعد جرح وظليمه

ولو قلت لك ألفين آسف وآسف

ردت تناهيدٍ بصدري مقيمه

ترى الهوى يظهر بصعب المواقف

ولاّ الرخا كل الأوادم كريمه

عطيتك أمس وصار بالدمع ذارف

يا ليت في قلبك لو شوي شيمه

يا اللّي على جرح المحبين والف

ما عاد فيني قلب حتى تظيمه

من قال بوقوفك هالأيام تاقف

غلطان من لا صار عقله خصيمه

أبشرك برحل بليا كلايف

وابشرك كل الحنايا سليمه

كف الحكي ياللي ملتك الحسايف

ما فالحكي في بعض الأحيان قيمه