headphone video share close external-link google facebook instagram left-arrow menu mouse right-arrow search twitter
الموقع الرسمي لسمو الأمير الشاعر
سعود بن عبدالله من محمد آل سعود © 2016
إدارة وتصميم كَلِم

لا تقطف الوردة

لا تقطف الورده و لا تقطع العرق

خله يموت ان كان ودك لحاله

خلك تشوف الفرق يا جاهل الفرق

عساك تحلم كل يوم بخياله

تسمع هديلٍ ما بقاله و لا ورق

ما غيرك اللي داري وش جراله

يا قلب لا صار الفرح ينسرق سرق

لا عاد تنشد عن ليالي وصاله

غنيت لي طرقٍ و ضيعت لي طرق

أثره يشيل القلب فوق احتماله

الشمس من وين طلعت سمه الشرق

و الغرب كحل هالسنين بلياله

دور سحاب للرعد ما احترى برق

لا صار هتان المطر في خياله

لك صاحبٍ ما خاف في هالبحر غرق

و كل البحور اللي تغرق فباله

إلا بغيته فوق كل النجوم ارق

ترديدنا بعض السوالف جهاله