ما جابك الا هالخطى ولا انت مبطي ما سألت

الله يسلم هالخطى ما دامه اللي رجعك

لا ما زعلت ولا تخاف أو تدري يمكني زعلت

بس الأكيد ان الضجر كان فعيوني يجمعك

مبطي وانا هذا البطي متعوده منك وقلت

طبعك وخفت اقول لك طبعك وعيني تدمعك

ساعدني لو مره بطيح من التعب مدري ذبلت

ساعدني أو قلي وش اللي فالحقيقه يمنعك

والله مدري ويش اقول اعرف ومن عرفي جهلت

أو هو الملل هذا خذا قلبي وقفى يتبعك

فمرايتك الفين مره في غيابك قد رحلت

وش رجعك قلبي ذبل ومرايتك ما تسمعك