غريب صادق وافي حيل كذاب

مدري انا بأي دروب اتجه لك

بخيل معطي مخطي حيل عتاب

لا جافى طبعك ولا زاد وصلك

البايع الشاري جحود وطلاب

يشكيك قلبٍ ما أحد فيه قبلك

ان جيت فدروب الحكي شفتك احباب

واعطيك كلي وانت ما قلت وش لك

لو قلت ابخفي شفت فعيون الاصحاب

انت الحبيب وكل شيء شهد لك

في حجر عينك صادق الشوق ما ذاب

تخفيه ليه وفرحتي سامرت لك

ما غاب فيك الحب لا لا ولاتاب

ادري انا اللي في خفوقك ونجلك

حنا الحبايب وادري الشوق ما شاب

ما فيه مثلي وانت ما فيه مثلك