ياليت من يقدر ويقرى ولو يوم
فمذكرات وسادتك و انت غايب
وش دار في بالك قبل عينك تنوم
ياللي عليك القلب بالحب ذايب
هو مرك احساس نسى لجلك اللوم
و النوم و اصبح بك عن الكل تايب
او مر موعد و قضى بليله نجوم
تسهر على شان الهوى و الحبايب
قلي عسى لي فالهوى و انت مقسوم
حلمي غدا في صحوة النوم شايب
وش جمع سهوم الثواني مع سهوم
جرح انتظارك شف صدوف العجايب
جيتك ابنشد واعسى عندك علوم
عن خافق قفى بليا سبايب
قلب الا شافك من الفرحه يقوم
يفز لك فزة كبير القرايب