العين يملاها .. حزن موت الأحباب
والقلب من جمر التناهيد محروق
الموت حق (ن) والمقادير بكتاب
الموت سيف لجل الأعمار مخلوق
اليوم مجهم وأزرق الدمع سكاب
والصدر كنه بعد فرقاه مشقوق
الصبر يارب المخاليق وهاب
لامن نشف ريق المحبين بحلوق
يا فاتح أبوابه الا صكت أبواب
تجعله من نارك لجنتك معتوق
دنيا (ن) نجيها لكن نسافر أغراب
والوقت سارق لكن العمر مسروق
جينا من تراب (ن) وبنعود لتراب
والموت درب (ن) للمخاليق مطروق
مرحوم يا ساكن معاليق وأهداب
ياللي بياظه سابق الشمس بشروق
لا قلت فيصل ينغرس بالصدر ناب
حزن (ن) على فرقاه بالصدر مدقوق
ياخوي لوه العمر بيرد غياب
والله لعطيك العمر قلب وعروق
مير العوض فاللي يفكون الأنشاب
ربع (ن) لهم تاريخ وأمجاد وحقوق
عيال وخوان وبني عم وأقارب
رجالهم بالطيب ماهوب مسبوق
وأسم تركته بعد فرقاك منصاب
عرفك قول وفعل وأسكنك معلوق
عسى البرد والماء على القبر صباب
رحمة كريم (ن) عنده الخير موثوق
والا الليالي بين نازل وركاب
والعمر لو طول به الوقت ملحوق