بشرت بك هبايب نجد سمر الجبال
وفرشت لك صحاريها دروبك ورود
ألف وردة وبسمة وألف غترة وشال
وألف قلب سبق شوقه لعرشه تسود
كلها رمز عن حبّك ورب الجلال
إنك الخير فالدنيا وذل الحسود
من يلوم الديار اللّي تمنى الوصال
يا اللّي أوطانك قلوب وطاريك عود
عمي الله يحفظه مقبلات الليال
أنت حبّك وطيبك ما يبي له شهود
لك علوم تعدّت بك وصفوف الخيال
ولك مقام رفعته فوق كل الحدود
نايف الاسم والأفعال حتى الضلال
كم تضلّل ضعيف وكم تضلّل فهود
ما حد غيرك اسمه يشبه فالخصال
إنت والله عن إسمك والأسامي تزود
يا سندنا يا سعدنا يالاقراح الزلال
يا ملاذ إلا شان الزمن ما يحود
القسى واللطافة يا كبير المجال
والكرم والشجاعة ترتقي بك سنود
ليتني أفديك عمري فيك عمري حلال
وجعلك ألفين عمر مقبلة فالوجود
والله أني أحبك وأنت لي راس مال
والزمن عاجز حتى بمثلك يجود
حبتك نجد ضلعان ورياض ورمال
وهتفتلك قلوب الناس مع كل نود
يا عظيم تذري في ذراك الرجال
أشهد إنك غريب الوصف يابو سعود