كل يوم .. نجمتين تغيب

لا أنوم .. و لا جروح تطيب

و أغطّي جروحي بنام

و أحلم و ألاقي بالظلام

نجمتين جداد

و ارجع اسأل من جديد

من يغيب .. و من يجي

كل ساعه يوم .. و الدموع نجوم

و المسافه هالعقارب

تحتها ميناء

.. سافرت عنها القوارب

كل هذا فساعتي

و الغريبه كان وجهك

بين عيني و ساعتي

واسألك وين الهروب

ساعتي بنسا واتوب

واقول للكف اليمين

غطي الساعه بثوبي

دام باليسرى عيوبي

ساعتي عيبي الوحيد

وأنت أجملها ذنوبي

يا هالصبر ملّ .. تعبتني

خلٍ نسا خلٍ .. و اسهرتني

ببكيك و أرتاح

و أعطيك هالساعه

لا لا تقولي راح

برجع بعد ساعه

و اسألك بغيابي

هي نجمتين تغيب .. و لا جروحي تطيب

ولا قوارب تجي .. ولا ثواني تشيب

وان قلتي الصدق .. بقول لك

لا لا تخليني بربك

دامني أكثر منك احبك

و أنا مثلك كل يوم

لين ترجع هالنجوم

و تخلي الدنيا ورانا

و أخذك بيدك و أقوم