ودي اسامر هالليال انا ووجهي و العتيم
و مرايةٍ قد شاب فيها ألف وجه من الزمان
ودي أمر بكل وجه و في يدي سراجٍ قديم
و أشوف كل اللي مضى و جروح ما مرت أمان
يا ليل عطني السحاب فرشٍ أنا الليله بقيم
و اجمع من النجم الحكي فاللي رحل و اسمه فلان
لي صاحبٍ اسمه حبيب الا فوصله لي غريم
رحل و خلالي طيوفٍ فالنوى تملا المكان
أخذ دروبه في يدي و أخذ معي قلبي واهيم
له فالمحبه غير قلبي شان ما هو أي شان
وجهي بقى وحده معي و الليل به نسناس ديم
و أرضِ عزازٍ ما نبت فيها من وصاله حنان
وينه ترى ما عاد به في غيبته شي كريم
إلا مرايه شفت فيها ألف وجه إلّا فلان