يا زين وجه البلاد اليوم
تلفح لسلطان طربانه
ما عاد حتى هناها النوم
لمعانق الشيخ شفقانه
من كم شهر بالها مهموم
واليوم من قلب فرحانه
أنا أشهد أن ما عليها لوم
في حب سلطان هيمانه
ملاذها عن كدر وهموم
العز سلطان عنوانه
شبيه أبو تركي المرحوم
شكله وفعله وبرهانه
اعداد من صام شهر الصوم
ومن طاف بالبيت وأركانه
يا مرحبا والغلا مقسوم
وقلوب الأحباب ولهانه
يابو هلا نصرة المظلوم
الطيب ناداك سلطانه