يهزني الشوق لا منه طرى طاري

للغالي اللّي أموت بنظرة عيونه

يضنيني الشوق في حبه و انا داري

و لو هو جفاني دلال لا تعذلونه

لي صاحب لو درى وش هو بالافكاري

مل مل وصلي و لا شكت بي ظنونه

لا مر فالبال طيّر للغلا ذاري

و يهب حبه على الخفاق و ركونه

للغيب باكر و ما قدره الولي جاري

و اطلبك يالله قلبه و اجمل شجونه

ردوا حديثي لخلي و اصدق اخباري

و لو نصف عشقي الا جيتوه تعطونه

اعطيه قلبي على الكفين و يماري

و اقول قلبي و هو ما قال وش لونه

يا ناسي الشوق قلبي للهوى ساري

وقف بحدثك عن هالعشق و طعونه