ارتمى .. كل الكلام

من عيني لوجهك

.. وكانت سنابل من ظما

يوم ارتمى دمعي عليك ..

حبيبتي .. منهو يبيك

بس أنا .. وعيونهم

تصدقي .. ما لو مهم

ولا الوم

القلم حتى الدفاتر

والصدق .. يا طرف فاتر

كل احساس

يعرفك .. أو ما يعرفك

يحتريك

حبيبتي .. منهو يبيك

يا نجمة الصبح البعيد

مدري الجديد

منهو يمر بناظرك

أو يحلف انه ناظرك

صدقيني .. ذا حظيظ

قولي مره انه انت

واصادق الصبح وامرك

ويعشقك حلوك ومرك

يا اللي أحبك للمسا

لين النهاية

وتصيري في باكر سما

يا انتي وتصيري البداية ..

أنا أعرفك … حبيبتي تعرفيني

باقول لك باختصار

أو قبل حتى الاختيار

انا أنا مثل سيل

لو يجي يجيك كله

وان هجرك

يروح كله

واموت لو تكذب .. مشاعر

واغيب بغياب .. المحاجر

واكره الكذب .. لو يجي عذب

ولا أعرف المستحيل

والخليل بناظري

حبيبتي .. يبقى خليل

هذا أنا .. هذا وجهي

والحكي وكل الكلام

يا يجي وجهك معي

يا أودعك بسلام