صاحبي ما جيت حبك من قليل
لا ومن زادك على غيرك صفات
بس شفتك فالغصون اللي تميل
بين عين الحب وعيون الغزات
وصارقلبي فيه فريس وخيل
الغلا لك درع وأشواقي رمات
وخذت من عين الهوى سيف سليل
قلت احارب بالغلا لين الممات
وكان نصرٍ ما تهنّا به ذليل
وقامت العرضه بضحكه والتفات
ليه لازاد الهوى ضاع الدليل
ليه لا مر الهوى راح المبات
قلت احبك وابتسم جرح يسيل
قلت جرحي خلني ما فات فات
ايه جيتك فارس سيفه صقيل
بس عندك ينقلب سيفي عصات