مرات تصدق علوم ليت ماتصدق
وأشين جميع العلوم الموت والفرقى
لا مات أبوك الذي بمحبته يفرق
تشوف حتى السماء سوداء وهي زرقى
الليله الدمع لحروف الحبر يسبق
وأورقنا من دموع عيوننا غرقى
سحاب حزن مزونه للصدر تحرق
يامر هالمزن والرعاد والبرقى
ياثوبي أغرق بدمع من غلاه أغرق
راح الذي من خلقه الله وهو يرقى
راح اللي أعده من قوله فهد تشرق
محرق قلوب الأعادي كلها حرقى
له صورة بالبياض تزود ما تعبق
حتى وهو فالقبرفي هيبته فرقا
رما عنان الفرس والسيف والبندق
وودع عروس الديار الشيخه الطرقى
اللي ربت بين كفينه وهو يفتق
صدر الدجاء لين شاف شموسها شرقى
والله هو اللي يميت ويحي ويخلق
والعين تدمع نهار الموت والفرقى